bandhkam kamgar bhandi sanch: महाराष्ट्र इमारत व इतर बांधकाम कामगार कल्याणकारी मंडळातर्फे (MahaBOCW) राज्यातील नोंदणीकृत बांधकाम कामगारांसाठी राबविण्यात येणारी ‘गृहपयोगी वस्तू संच’ वाटप योजना पुन्हा एकदा सुरू करण्यात आली आहे. काही काळ स्थगित असलेली ही योजना आता नव्याने सुरू झाली असून, पात्र कामगारांना यासाठी ऑनलाईन पद्धतीने अर्ज करता येणार आहे.
महाराष्ट्र राज्य बांधकाम व इतर कामगार कल्याणकारी मंडळाकडे सक्रिय नोंदणी असलेल्या कामगारांना या योजनेचा लाभ घेता येतो. या अंतर्गत, कामगारांना मोफत घरगुती भांड्यांचा संच दिला जातो. यापूर्वी मोठ्या संख्येने कामगारांनी या योजनेचा लाभ घेतला होता. मात्र, वाढती मागणी आणि भांड्यांच्या संचाची अनुपलब्धता यामुळे ही योजना तात्पुरती थांबवण्यात आली होती.
आता शासनाच्या नवीन जीआरनुसार, काही नवीन भांड्यांचा समावेश करून ही योजना पुन्हा कार्यान्वित करण्यात आली आहे. यासाठी ऑनलाइन अर्ज स्वीकारण्यास सुरुवात झाली आहे.
ऑनलाईन अर्ज कसा करावा? bandhkam kamgar bhandi sanch
इच्छुक आणि पात्र बांधकाम कामगारांना या योजनेचा लाभ घेण्यासाठी मंडळाच्या अधिकृत संकेतस्थळावर अर्ज करावा लागेल. अर्ज करण्याची प्रक्रिया खालीलप्रमाणे आहे:
- संकेतस्थळाला भेट द्या: अर्ज करण्यासाठी कामगारांना hikit.mahabocw.in/appointment या अधिकृत वेबसाईटला भेट द्यावी लागेल.
- नोंदणी क्रमांक टाका: वेबसाईटवर अर्जदाराला आपला ‘BOCW कामगार नोंदणी क्रमांक’ टाकून ‘Send OTP’ पर्यायावर क्लिक करावे लागेल.
- वैयक्तिक तपशील भरा: नोंदणीकृत मोबाईलवर आलेला ओटीपी टाकल्यानंतर कामगाराचा वैयक्तिक तपशील, जसे की नाव, नोंदणी दिनांक, नूतनीकरण दिनांक, मोबाईल नंबर, आधार क्रमांक, जन्मतारीख इत्यादी माहिती भरावी लागेल.
- शिबिर निवडा: अर्जदाराला जिल्ह्यातील उपलब्ध शिबिरांमधून (कॅम्प) आपल्या सोयीचे ठिकाण निवडायचे आहे.
- अपॉइंटमेंटची तारीख निवडा: यानंतर, उपलब्ध तारखांमधून वस्तू घेण्यासाठी अपॉइंटमेंटची तारीख निश्चित करावी लागेल.
- स्वयं-घोषणापत्र डाउनलोड व अपलोड करा: अर्जदाराला वेबसाईटवरून स्वयं-घोषणापत्राचा नमुना डाउनलोड करून, तो पूर्णपणे भरून आणि स्वाक्षरी करून पुन्हा अपलोड करायचा आहे. हे घोषणापत्र अपलोड करणे अनिवार्य असून, त्याशिवाय अर्ज स्वीकारला जाणार नाही.
- अपॉइंटमेंटची प्रिंट घ्या: सर्व प्रक्रिया पूर्ण झाल्यावर अपॉइंटमेंटची प्रिंट काढून घ्यावी. निश्चित केलेल्या दिवशी आणि वेळी निवडलेल्या शिबिराच्या पत्त्यावर ही प्रिंट आणि आवश्यक कागदपत्रे घेऊन उपस्थित राहावे.
ज्या कामगारांनी किंवा त्यांच्या कुटुंबीयांनी यापूर्वी या योजनेचा लाभ घेतला आहे, त्यांना पुन्हा अर्ज करता येणार नाही. अर्ज भरताना तसा संदेश स्क्रीनवर दिसेल. ज्यांनी याआधी अपॉइंटमेंट घेतली होती, ते आपला नोंदणी क्रमांक आणि नोंदणी दिनांक टाकून अपॉइंटमेंटची प्रिंट पुन्हा काढू शकतात.
या योजनेमुळे राज्यातील बांधकाम कामगारांना मोठा दिलासा मिळणार असून, त्यांच्या दैनंदिन गरजा पूर्ण होण्यास मदत होईल. सर्व पात्र कामगारांनी या संधीचा लाभ घेण्यासाठी लवकरात लवकर ऑनलाईन अर्ज करण्याचे आवाहन मंडळाकडून करण्यात आले आहे.
हे पण वाचा:
