SBI Credit Card : SBI क्रेडिट कार्ड वापरकर्त्यांसाठी एक महत्त्वाची सूचना! १ सप्टेंबर २०२५ पासून क्रेडिट कार्डच्या नियमांमध्ये मोठे बदल होणार आहेत. यामुळे काही सुविधा आणि फायदे बंद होऊ शकतात. एसबीआय कार्ड्सने याबद्दल एक नोटिफिकेशन जारी केले आहे.SBI Credit Card
१ सप्टेंबरपासून कोणते बदल लागू होणार?
१. रिवॉर्ड पॉईंट्स मिळणार नाहीत:
एसबीआयच्या काही विशिष्ट क्रेडिट कार्ड्सवर काही व्यवहारांसाठी मिळणारे रिवॉर्ड पॉईंट्स (Reward Points) आता बंद केले जात आहेत. यामध्ये प्रामुख्याने लाइफस्टाइल होम सेंटर एसबीआय कार्ड, लाइफस्टाइल होम सेंटर एसबीआय कार्ड सिलेक्ट, आणि लाइफस्टाइल होम सेंटर एसबीआय कार्ड प्राइम या कार्ड्सचा समावेश आहे. या कार्ड्सवरील काही ठराविक व्यवहारांवर आता रिवॉर्ड पॉईंट्स दिले जाणार नाहीत.SBI Credit Card
२. ऑनलाइन गेमिंग आणि सरकारी व्यवहारांवर रिवॉर्ड पॉईंट्स बंद:
आतापासून ऑनलाइन गेमिंग प्लॅटफॉर्मवर क्रेडिट कार्ड वापरल्यास तुम्हाला कोणतेही रिवॉर्ड पॉईंट्स मिळणार नाहीत. तसेच, सरकारी सेवांसाठी क्रेडिट कार्डने केलेले व्यवहार (उदा. सरकारी कर, शुल्क भरणे) यावरही यापुढे रिवॉर्ड पॉईंट्स दिले जाणार नाहीत. हे नियम सर्व मर्चंट (व्यापारी) व्यवहारांना लागू असतील.
कार्ड सुरक्षा योजनेतही (CPP) बदल
१६ सप्टेंबर २०२५ पासून, कार्ड सुरक्षा योजना (CPP) असलेल्या एसबीआय कार्डधारकांसाठी एक बदल लागू होईल. तुमच्या प्लॅनच्या नूतनीकरणाच्या तारखेनुसार, तुम्ही आपोआप अपडेटेड प्लॅनमध्ये ट्रान्सफर व्हाल. या बदलाची माहिती एसबीआय कार्ड्स तुम्हाला एसएमएस आणि ईमेलद्वारे २४ तास आधी देणार आहे.SBI Credit Card
यापूर्वीही झाले होते बदल:
एसबीआय कार्ड्सने यापूर्वीही अनेक वेळा क्रेडिट कार्डच्या नियमांत बदल केले आहेत. जुलै आणि ऑगस्ट महिन्यांत काही क्रेडिट कार्ड्सवर मिळणारे कॉम्प्लिमेंटरी हवाई अपघात कव्हर (Complimentary Air Accident Cover) बंद केले होते. हे बदल एसबीआय एलिट (SBI Elite) आणि एसबीआय प्राईम (SBI Prime) कार्ड्सवर लागू झाले होते.
तुम्ही एसबीआय क्रेडिट कार्ड वापरत असाल तर, तुमच्यासाठी हे नियम खूप महत्त्वाचे आहेत. यामुळे, तुमच्या कार्डवर कोणते नियम लागू आहेत हे तपासून घ्या.SBI Credit Card
